Total Pageviews

Tuesday, May 15, 2012

النكبة.....





صحيت من النوم وانا بفكر
اليوم يوم النكبة
قلت يا امي احنا بنعيش هالازمة
من اكتر من ستين سنة
واحنا في العتمة
شوية اجتماعات وشوية هتافات
لكن بيهزوا راسهم
وبيمدوا ايدهم للي قتل اولادنا
وحابس اخوانا وبناتنا
وحتى الصغار
الكل في السجن مسجون
وما زلنا بنصدق البيانات
قد تبدوا غبية
بس هي بالظاهر
نكتة بايخة
وقوية
بيضحكوا علينا
وبيفكروا انا سلمنا
وصدقنا النكتة!
يا امي ما عاد بتنفع القعدة
راح عرفات وراح ياسين
ومن قبلهم
راحت ارواح اولادنا
لامتا بدنا نسمع ونقول
انا لله وانا اليه راجعون
لامتنا بدنا نظل نمصمص شفايفنا
دفنا ابوي ومن قبله جدي
وكله بالدور حتى
وصل الدور لاحفادنا
كبرنا وعرفنا ان اليوم
قال بدهم يحتفلوا بالإستقلال
قال استقلال
بـــــلادنا
بس اكيد لازم لا تنسوا انه
يوم ما نزفنا دموع ودم
وراحت كرامتا
ساعتها اتولدت القضية
وضاعت ما بين الدول
الهوية
وصرنا لاجئين


يا امي ليش كل هالأذية

ليش ضيعتوا القضية
بس يا ريت نفهم يا اولاد عمي
ان دم عياش وهنية
ودم اهل جنين
ومن قبلهم دير ياسين
لازم يعرفوا انا مش ناسيين
وبدنا نرجع لارضنا فلسطين
بدنا نرجع نسجد في الاقصى لربنا
ونعمر في كل مكان
ونقول مش خايفين
مش خايفين
شبعنا هتافات وشعارات
وتقسيم ، بدنا نرس على بر
والا السلطة والكيان والاحزاب
صاروا اهم من القضية؟؟؟
والجامعة العربية
وين القضية؟؟
ياريت تنسى القضية
وكمان
الامم المتحدة والكيانات الدولية
باعو القضية
خلاص ما بدهم اي اذية
يا ريت يا امي يخلونا نتصرف
لا بدنا ابو مازن ولا هنية
خلينا نحاول ننقذ شوية من كرامتنا
وشوفولنا شو صار بالقضية…؟؟؟

No comments:

WHo IS Huda????

My photo

First of All,  With All Respect, people who want to chat with me Privately  ...sorry I don't chat with any in private chat..especially strangers..I am here for Public sharing...& Exchange useful Info...Don't want to waste my time in rubbish repeating talks....Thanks All for understanding... :) 


A normal woman who strangle to fit in this life, I try to enjoy my life as much as I can but  as a way that won't upset Allah, but I am not a militant irresponsible...respect my mind, so that I can respect yours...so lets talk...

One More Thing... Sometimes It seems like I forgot about Palestine, but really I never will or do forget that "Palestine" is in my heart and will do all my best to be remembered and to be free ....